موج
الموج ده زي القدر
و البحر خلاَّقه
و الرمل رزق البشر
و الشط خنَّاقه
الموج ملوش أحوال
أوقات يكون هادي
و ساعات كتير عادي
لحظات يكون قتال
و لكنه دايما خير
للبحر رب كبير
لو يبتليك بحاجات
يعوضك ف كتير
و البحر كن فيكون
محكوم برب الكون
حاكم لشط الخوف
و التقوى يد العون
يا جبال ماليكي الفزع
و الصبر فيكي الجزع
مكفايه صد الموج
و الحزن ع المنتزع
عماله بتغرّبي
ليه بعيده؟..متقرّبي
في مواجهة الأقدار
امشي و بلاش تهربي
و يا شمس ضوءك سطع
على خيط ضلام انقطع
و عليكي طلة أمل
دا اليأس شافك ركع
0 التعليقات:
إرسال تعليق